2015 جىلعى 24 اقپان,استانا قالاسى
سالالىق كونسترۋكتورلىق بيۋرولاردىڭ جۇمىس ىستەۋ
قاعيدالارىن بەكىتۋ تۋرالى
«يندۋستريالىق-يننوۆاتسيالىق قىزمەتتى مەملەكەتتىك قولداۋ تۋرالى» 2012 جىلعى 9 قاڭتارىنداعى قازاقستان رەسپۋبليكاسىنىڭ زاڭى 5-بابىنىڭ 15) تارماقشاسىنا سايكەس بۇيىرامىن:
1. قوسا بەرىلىپ وتىرعان سالالىق كونسترۋكتورلىق بيۋرولاردىڭ جۇمىس ىستەۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تەحنولوگيالىق جانە يننوۆاتسيالىق دامۋ دەپارتامەنتى (ا.ب. باتىرقوجا):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن, ونىڭ كوشىرمەسىن ون كۇنتىزبەلىك كۇن ىشىندە مەرزىمدى باسپا باسىلىمدارىندا جانە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋ ءۇشىن جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا رەسمي جاريالانۋىن جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ۆيتسە-ءمينيcترى ە.ك. ساعاديەۆكە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ
ءمينيسترىنىڭ مىندەتىن اتقارۋشى ج.قاسىمبەك
«كەلىسىلدى»:
قازاقستان رەسپۋبليكاسىنىڭ قارجى ءمينيسترى
__________________ ب. سۇلتانوۆ
2015 جىلعى 2 ماۋسىم
«كەلىسىلدى»:
قازاقستان رەسپۋبليكاسىنىڭ ۇلتتىق ەكونوميكا ءمينيسترى
__________________ ە. دوساەۆ
2015 جىلعى 21 ءساۋىر
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ
2015 جىلعى 24 اقپانداعى №172 بۇيرىعىمەن بەكىتىلگەن
سالالىق كونسترۋكتورلىق بيۋرولاردىڭ جۇمىس ىستەۋ قاعيدالارى
1. جالپى ەرەجەلەر
1. وسى سالالىق كونسترۋكتورلىق بيۋرولاردىڭ جۇمىس ىستەۋ قاعيدالارى (بۇدان ءارى - قاعيدالار) «يندۋستريالىق-يننوۆاتسيالىق قىزمەتتى مەملەكەتتىك قولداۋ تۋرالى» قازاقستان رەسپۋبليكاسىنىڭ 2012 جىلعى 9 قاڭتارداعى زاڭىنىڭ 5-بابىنىڭ 15) تارماقشاسىنا سايكەس ازىرلەندى جانە سالالىق كونسترۋكتورلىق بيۋرولاردىڭ جۇمىس ىستەۋ ءتارتىبىن ايقىندايدى.
2. وسى قاعيدالاردا مىناداي ۇعىمدار مەن تەرميندەر پايدالانىلادى:
1) الۋشى - وسى قاعيدالارعا سايكەس سالالىق كونسترۋكتورلىق بيۋرولاردىڭ قىزمەتتەرىن كورسەتۋ ءۇشىن ءوتىنىمى قابىلدانعان ءوتىنىش بەرۋشى;
2) بىرلەسىپ ورىنداۋشى - الۋشىعا سالالىق كونسترۋكتورلىق بيۋرولار قىزمەتىن كورسەتۋ شەڭبەرىندە جەكە ءىس-شارالاردى ىسكە اسىرۋ ءۇشىن مەملەكەتتىك ساتىپ الۋ تۋرالى قازاقستان رەسپۋبليكاسىنىڭ زاڭناماسى نەگىزىندە سالالىق كونسترۋكتورلىق بيۋرولارعا تارتىلعان, قاجەتتى رەسۋرستار مەن ماماندىقتاردى مەڭگەرگەن جەكە نەمەسە زاڭدى تۇلعا;
3) جوبا - سالالىق كونسترۋكتورلىق بيۋرولار قىزمەتتەرىن كورسەتۋ پروتسەسىندە جانە ونىڭ ناتيجەلەرىن پايدالانا وتىرىپ, ءوتىنىش بەرۋشى ىسكە اسىرۋعا جوسپارلاعان نەمەسە الۋشى ىسكە اسىراتىن يندۋستريالىق-يننوۆاتسيالىق جوبا;
4) ينجينيرينگتىك قىزمەتتەر - ونىمدەردى (تاۋارلار, جۇمىستار, قىزمەتتەر) ءوندىرۋ پروتسەسىنە دايىنداۋ, جوبا الدى جانە جوبالىق قىزمەتتەردى (تەحنيكالىق-ەكونوميكالىق نەگىزدەمەلەردى دايىنداۋ, جوبالىق-كونسترۋكتورلىق جۇمىستار, باسقا دا سۇيەمەلدەۋشى قىزمەتتەر) كورسەتۋ بويىنشا ينجەنەرلىك-كونسۋلتاتسيالىق قىزمەتتەر;
5) ينفراقۇرىلىم - عيماراتتار, قۇرىلىستار, تەحنولوگيالىق جابدىقتار كەشەنى, تاجىريبەلىك-ونەركاسىپتىك ۋچاسكە;
6) ءوندىرىستى تەحنيكالىق دايارلاۋ - ناقتى ءوندىرۋ شارتتارىن ەسكەرە وتىرىپ, اناعۇرلىم وڭتايلى تاسىلمەن جاڭا تاۋاردىڭ وندىرىستىك پروتسەسىنىڭ ورىندالۋ بىرىزدىلىگىن ايقىندايتىن جۇمىستار جيىنتىعى;
7) ءوندىرىستى تەحنولوگيالىق دايارلاۋ - ءوندىرىستىڭ كونسترۋكتورلىق, تەحنولوگيالىق دايىندىعىن جانە وندىرىسكە تاۋارلاردى جەتكىزۋ جۇيەسىن رەگلامەنتتەيتىن نورماتيۆتىك-تەحنيكالىق ءىس-شارالار كەشەنى;
8) ءوندىرىستىڭ كونسترۋكتورلىق دايىندىعى - دايىنداۋشى كاسىپورىننىڭ سەريالىق ءوندىرىسى شارتتارىنا قاتىستى كونسترۋكتورلىق قۇجاتتامالارعا بەيىمدەلۋ ماقساتىن كوزدەيتىن ءىس-شارالار كەشەنى;
9) ءوتىنىش بەرۋشى - جاڭا نەمەسە جەتىلدىرىلگەن تاۋارلاردى ءوندىرۋدى ازىرلەۋمەن جانە ەنگىزۋمەن بايلانىستى يندۋستريالىق-يننوۆاتسيالىق جوبالاردى ىسكە اسىراتىن زاڭدى نەمەسە جەكە تۇلعا;
10) سالالىق كونسترۋكتورلىق بيۋرو - ماتەريالدىق-تەحنيكالىق كەشەنگە يەلىك ەتەتىن, جاڭا نەمەسە جەتىلدىرىلگەن تاۋارلار ءوندىرۋدى ۇيىمداستىرۋدا يندۋستريالىق-يننوۆاتسيالىق قىزمەت سۋبەكتىلەرىنە جاردەمدەسۋ ءۇشىن تەحنولوگيالىق دامۋ سالاسىنداعى ۇلتتىق دامۋ ينستيتۋتى قۇرعان زاڭدى تۇلعا;
11) سەرتيفيكاتتاۋ - سايكەستىكتى راستاۋ جونىندەگى ورگان جازباشا تاۋاردىڭ, قىزمەتتىڭ بەلگىلەنگەن تالاپتارعا سايكەستىگىن كۋالاندىراتىن ءراسىم;
12) سىناق - تاۋار قاسيەتتەرىنىڭ ساندىق جانە ساپالىق سيپاتتامالارىن وعان اسەر ەتۋ ناتيجەسى رەتىندە ساراپتامالىق ايقىنداۋ;
13) رويالتي - ءونىمدى ءوندىرۋ كەزىندەگى تەحنيكالىق قۇجاتتامانى, ليتسەنزيالاردى, پاتەنتتەردى جانە زياتكەرلىك مەنشىكتىڭ باسقا تۇرلەرىن پايدالانعانى ءۇشىن, مولشەرى سالالىق كونسترۋكتورلىق بيۋرو مەن الۋشى اراسىندا جاسالاتىن سالالىق كونسترۋكتورلىق بيۋرو قىزمەتىن كورسەتۋگە ارنالعان شارتپەن بەلگىلەنەتىن وتكىزىلگەن ءونىم قۇنىنان پايىز تۇرىندە تولەنەتىن اقشالاي وتەم;
14) تاۋار - سالالىق كونسترۋكتورلىق بيۋرو قىزمەتتەرىن كورسەتۋ ناتيجەسىندە الۋشى دايىنداۋعا ءتيىس زات نەمەسە زاتتار جيىنتىعى;
15) تەحنيكالىق قۇجاتتاما - جاڭا نەمەسە جەتىلدىرىلگەن ونىمدەر ءوندىرۋدى ۇيىمداستىرۋعا, سونداي-اق ونى پايدالانۋ مەن جوندەۋ ءۇشىن قاجەتتى كونسترۋكتورلىق, تەحنولوگيالىق جانە نورماتيۆتىك قۇجاتتاما;
16) تەحنولوگيالىق دامۋ جونىندەگى ۇلتتىق اگەنتتىك - تەحنولوگيالىق دامۋ سالاسىنداعى ۇلتتىق دامۋ ينستيتۋتى (بۇدان ءارى - اگەنتتىك);
17) تەحنولوگيالىق مەموراندۋم - يندۋستريالىق-يننوۆاتسيالىق قىزمەتتى مەملەكەتتىك قولداۋ سالاسىنداعى ۋاكىلەتتى ورگاننىڭ ۇلتتىق باسقارۋشى حولدينگتەرمەن, ۇلتتىق حولدينگتەرمەن, ۇلتتىق كومپانيالارمەن جانە ولارمەن اففيليرلەنگەن زاڭدى تۇلعالارمەن جاسالاتىن جانە ساتىپ الىناتىن تاۋارلاردىڭ, جۇمىستاردىڭ جانە قىزمەتتەردىڭ تىزبەسىن ايقىندايتىن كەلىسىم.
3. سالالىق كونسترۋكتورلىق بيۋرونىڭ (بۇدان ءارى - سكب) جۇمىس ىستەۋ پروتسەسىندە تۋىندايتىن جانە وسى قاعيدالارمەن رەتتەلمەيتىن ماسەلەلەردى شەشۋ اگەنتتىكتىڭ قۇزىرەتىنە جاتادى جانە ونىڭ شەشىمىمەن رەسىمدەلەدى.
2. سكب نەگىزگى ماقساتتارى
1 پاراگراف. سكب-نىڭ جۇمىس ىستەۋ ءتارتىبى
4. سكب الۋشىلارعا مىناداي قىزمەت تۇرلەرىن كورسەتەدى (بۇدان ءارى - سكب قىزمەتتەرى):
1) الۋشىنىڭ دالەلدەنگەن ءوتىنىشى بويىنشا ونىڭ نەگىزىندە تاۋارلاردى ءوندىرۋدى ۇيىمداستىرۋ ءۇشىن تەحنيكالىق قۇجاتتامالاردى ساتىپ الۋ (قاجەت بولعان جاعدايدا - پىسىقتاۋ, بەيىمدەۋ);
2) تەحنولوگيالار ترانسفەرتىنە جاردەمدەسۋ;
3) جاڭا نەمەسە جەتىلدىرىلگەن تاۋارلاردى شىعارۋعا جاردەمدەسۋ;
4) تەحنيكالىق قۇجاتتامانى ازىرلەۋ;
5) ءوندىرىستى تەحنيكالىق (كونسترۋكتورلىق جانە تەحنولوگيالىق) دايارلاۋ بويىنشا قىزمەتتەر;
6) كونسۋلتاتسيالىق جانە ينجينيرينگتىك قىزمەتتەر;
7) اككرەديتتەلگەن سىناق زەرتحانالارىندا (ورتالىقتارىندا) جاڭا نەمەسە جەتىلدىرىلگەن ونىمدەرگە سىناق جۇرگىزۋ كەزىندە جاردەمدەسۋ;
8) اككرەديتتەلگەن ۋاكىلەتتى ورگانداردا جاڭا نەمەسە جەتىلدىرىلگەن ونىمدەردى سەرتيفيكاتتاۋ كەزىندە جاردەمدەسۋ.
5. قاجەت بولعان جاعدايدا كورسەتىلەتىن قىزمەتتەردىڭ قاجەتتى ساپاسى مەن تولىقتىعىن قامتاماسىز ەتۋ ماقساتىندا سكب قىزمەتتەردى قورسەتۋگە بىرلەسىپ ورىنداۋشىلاردى تارتادى.
6. سكب مەن الۋشى اراسىنداعى شارتتا ايقىندالعان الۋشى قاجەتتىلىگىنە بايلانىستى سكب قىزمەتتەرىنىڭ ناتيجەلەرى مىنالار بولىپ تابىلادى:
1) تەحنيكالىق قۇجاتتاما, دايىنداۋ قۇقىعىنا ليتسەنزيالار نەمەسە پاتەنتتەر;
2) ءونىمنىڭ تاجىريبەلى ۇلگىسى (پارتياسى);
3) سىناق (سەرتيفيكاتتاۋ) ناتيجەلەرىن جانە ءونىمنىڭ قاجەتتى پارامەترلەرىن راستايتىن قۇجاتتار;
4) وسى قاعيدالاردىڭ 4-تارماعىنا سايكەس سكب مەن الۋشى اراسىنداعى شارت نەگىزىندە سكب قىزمەتىن كورسەتۋ اياقتالعاننان كەيىن الۋشىعا بەرىلەتىن باسقا دا قۇجاتتار نەمەسە اكتيۆتەر.
7. سكب قىزمەتى جۇزەگە اسىرىلادى:
1) سكب قىزمەتىن كورسەتۋگە جۇمسالعان شىعىنداردى سكب قاراجاتىنان قارجىلاندىرا وتىرىپ جانە كەيىننەن رويالتي نىسانىندا الۋشى تاراپىنان وتەي وتىرىپ, تەحنولوگيالىق مەموراندۋمداردى ىسكە اسىرۋ;
2) سكب قىزمەتىن كورسەتۋگە جۇمسالعان شىعىنداردى ءوتىنىش بەرۋشىنىڭ جەكە قاراجاتىنان قارجىلاندىرا وتىرىپ, ءوتىنىش بەرۋشى باستاماسى بويىنشا قىزمەت كورسەتۋ;
3) سكب قىزمەتىن كورسەتۋگە جۇمسالعان شىعىنداردى سكب قاراجاتىنان قارجىلاندىرا وتىرىپ جانە كەيىننەن رويالتي نىسانىندا الۋشى تاراپىنان وتەي وتىرىپ, ءوتىنىش بەرۋشى باستاماسى بويىنشا قىزمەت كورسەتۋ;
4) رەسپۋبليكالىق قاراجات ەسەبىنەن بولىنەتىن يندۋستريالىق-يننوۆاتسيالىق قىزمەتتى مەملەكەتتىك قولداۋ جونىندەگى ءىس-شارالارىن ىسكە اسىرۋعا ارنالعان بيۋدجەتتىك باعدارلاما شەڭبەرىندە قىزمەت كورسەتۋ.
8. سكب قىزمەتىن كورسەتۋگە جۇمسالعان شىعىنداردى سكب قاراجاتىنان قارجىلاندىرا وتىرىپ جانە كەيىننەن رويالتي نىسانىندا الۋشى تاراپىنان وتەي وتىرىپ, تەحنولوگيالىق مەموراندۋمداردى ىسكە اسىرۋ شەڭبەرىندە سكب قىزمەت كورسەتۋى مىناداي كەزەڭدەردى قامتيدى:
1) كاسىپورىننىڭ ەكونوميكالىق ورىندىلىعى جانە مۇمكىندىكتەرى ۇستانىمىمەن تەحنولوگيالىق مەموراندۋمدارعا ەنگىزىلگەن ونىمدەردى تالداۋ;
2) سكب-نىڭ ءونىم ءوندىرۋدى ۇيىمداستىرۋ ءۇشىن ءوتىنىش بەرۋشى ۇسىناتىن ونىمدەر تىزبەسىن بۇقارالىق اقپارات قۇرالدارىندا ورنالاستىرۋ;
3) ءوتىنىش بەرۋشىدەن سكب قىزمەتىن كورسەتۋگە ءوتىنىم قابىلداۋ;
4) سكب وتىنىمدەرىن جيناۋ جانە الدىن الا ىرىكتەۋ;
5) ءوتىنىش بەرۋىشىلەرگە سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلداۋ;
6) سكب مەن الۋشى اراسىندا سكب قىزمەتىن كورسەتۋگە جانە قىزمەت كورسەتۋ ناتيجەلەرىن پايدالانۋ قۇقىعىن بەرۋگە شارتتار جاساسۋ;
7) سكب قىزمەتىن كورسەتۋ;
8) الۋشىنىڭ سكب قىزمەتىن قابىلداۋى;
9) سكب-مەن بىرلەسىپ, اگەنتتىك جۇزەگە اسىراتىن سكب قىزمەتىنىڭ ناتيجەلەرىن پايدالانۋ بولىگىندە الۋشىنىڭ شارت تالاپتارىن ورىنداۋىنا مونيتورينگ جۇرگىزۋ;
10) سكب قىزمەتىن كورسەتۋگە ارنالعان شارتتى ىسكە اسىرۋ ناتيجەلەرىن باعالاۋ.
9. وسى قاعيدالاردىڭ 7-تارماعىنىڭ 2) تارماقشاسىنا سايكەس سكب قىزمەتىن كورسەتۋگە جۇمسالعان شىعىنداردى ءوتىنىش بەرۋشىنىڭ جەكە قاراجاتىنان قارجىلاندىرا وتىرىپ, ءوتىنىش بەرۋشى باستاماسى بويىنشا قىزمەت كورسەتۋ, سونداي-اق ولاردىڭ قاراجاتى ەسەبىنەن كەز كەلگەن ۇيىمنىڭ تاپسىرىسى بويىنشا قىزمەت كورسەتۋ ءوتىنىش بەرۋىشى مەن سكب اراسىندا جاسالعان ازاماتتىق-قۇقىقتىق شارتقا سايكەس جۇزەگە اسىرىلادى.
بۇل جاعدايدا سكب قىزمەت كورسەتۋى تۋرالى شەشىمدى سكب باسشىسى سكب-نىڭ تاريفتىك ساياساتىنا جانە ءوتىنىش بەرۋشى ۇسىنعان تالاپتارعا سايكەس ۋاقىتىلى قىزمەت كورسەتۋ ءۇشىن رەسۋرستاردىڭ بار بولۋىنا سۇيەنە وتىرىپ, قابىلدايدى.
10. سكب قىزمەتىن كورسەتۋگە جۇمسالعان شىعىنداردى سكب قاراجاتىنان قارجىلاندىرا وتىرىپ جانە كەيىننەن رويالتي نىسانىندا الۋشى تاراپىنان وتەي وتىرىپ, ءوتىنىش بەرۋشى باستاماسى بويىنشا قىزمەت كورسەتۋ مىناداي كەزەڭدەردى قامتيدى:
1) ءوتىنىش بەرۋشىدەن سكب قىزمەتىن كورسەتۋگە ءوتىنىم قابىلداۋ;
2) ءوتىنىش بەرۋشىنىڭ ەكونوميكالىق ورىندىلىعى جانە تەحنيكالىق مۇمكىندىكتەرى ۇستانىمىمەن ونىمدەردى تالداۋ;
3) سكب وتىنىمدەرىن جيناۋ جانە الدىن الا ىرىكتەۋ;
4) ءوتىنىش بەرۋىشىلەرگە سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلداۋ;
5) قىزمەت كورسەتۋگە جانە قىزمەت ناتيجەلەرىن پايدالانۋ قۇقىعىن بەرۋ ۇلگىلىك شارتتارىنا ساي سكب مەن الۋشى اراسىندا سكب قىزمەتىن كورسەتۋگە جانە قىزمەت ناتيجەلەرىن پايدالانۋ قۇقىعىن بەرۋگە شارتتار جاساسۋ;
6) سكب قىزمەتىن كورسەتۋ;
7) الۋشىنىڭ سكب قىزمەتىن قابىلداۋى;
8) سكب-مەن بىرلەسىپ, اگەنتتىك جۇزەگە اسىراتىن سكب قىزمەتىنىڭ ناتيجەلەرىن پايدالانۋ بولىگىندە الۋشىنىڭ شارت تالاپتارىن ورىنداۋىنا مونيتورينگ جۇرگىزۋ;
9) سكب قىزمەت كورسەتۋگە ارنالعان شارتتى ىسكە اسىرۋ ناتيجەلەرىن باعالاۋ.
11. رەسپۋبليكالىق بيۋدجەتتەن بولىنەتىن يندۋستريالىق-يننوۆاتسيالىق قىزمەتتى مەملەكەتتىك قولداۋ جونىندەگى ءىس-شارالارىن ىسكە اسىرۋعا ارنالعان بيۋدجەتتىك باعدارلاما شەڭبەرىندە قىزمەت كورسەتۋكەلەسى كەزەڭدەردى قامتيدى:
1) ءوتىنىش بەرۋشىدەن بيۋدجەتتىك باعدارلاما شەڭبەرىندە سكب قىزمەتىن كورسەتۋگە ءوتىنىم قابىلداۋ;
2) كاسىپورىننىڭ ەكونوميكالىق ورىندىلىعى جانە تەحنيكالىق مۇمكىندىكتەرى ۇستانىمىمەن ونىمدەردى تالداۋ;
3) ءوتىنىش بەرۋشىلەرگە سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلداۋ;
4) سكب مەن الۋشى اراسىندا قىزمەت كورسەتۋگە شارت جاساسۋ;
5) سكب قىزمەتىن كورسەتۋ;
6) الۋشىنىڭ سكب قىزمەتىن قابىلداۋى;
7) اگەنتتىككە بيۋدجەتتىك باعدارلاماسىن ورىنداۋ بويىنشا ەسەبىن بەرۋ;
8) قىزمەت ناتيجەلەرىن ەنگىزۋ تيىمدىلىگىن مونيتورينگىلەۋ.
2 پاراگراف. وتىنىمدەردى رەسىمدەۋدىڭ ءتارتىبى
12. ءوتىنىش بەرۋشىلەر سكب-عا مىنالاردى قامتيتىن ءوتىنىم بەرەدى:
1) وسى قاعيدالارعا 1قوسىمشاعاسايكەس نىسان بويىنشا جوبانى ىسكە اسىرۋ ءۇشىن سكب قىزمەتىن الۋعا ءوتىنىش;
2) تەحنيكالىق تاپسىرما;
3) ەگەر سكب قىزمەتىنىڭ قۇنى جيىرما مىڭ ەسە كولەمىندەگى ەڭ تومەن ەسەپ كورسەتكىشىنەن اسىپ كەتكەن جاعدايدا وسى قاعيدالارعا 2 قوسىمشاعا سايكەس نىسان بويىنشا بيزنەس-جوسپار;
4) قىزمەتتەردى كورسەتۋگە جۇمسالعان شىعىنداردى سكب قاراجاتىنان قارجىلاندىرا وتىرىپ جانە كەيىننەن رويالتي نىسانىندا الۋشى تاراپىنان وتەي وتىرىپ, ءوتىنىش بەرۋشىنىڭ باستاماسى بويىنشا قىزمەت كورسەتۋ كەزىندە - ءونىم سۇرانىسىن راستايتىن قۇجاتتار (ۇزاق مەرزىمدى شارت, باستاپقى شارت, كەلىسىم, مەموراندۋم جانە باسقالارى) ء(تيىستى قۇجاتتار بولسا);
5) ءوتىنىش بەرۋشىنىڭ قۇقىقتىق مارتەبەسىن راستايتىن قۇجاتتار:
جەكە تۇلعالار ءۇشىن - جەكە باستى كۋالاندىراتىن قۇجاتتىڭ كوشىرمەسى, كاسىپكەرلىك سۋبەكتىسى رەتىندە تىركەۋ تۋرالى قۇجاتتاردىڭ كوشىرمەسى, جەكە سايكەستەندىرۋ ءنومىرى;
زاڭدى تۇلعالار ءۇشىن - زاڭدى تۇلعانى مەملەكەتتىك تىركەۋ (قايتا تىركەۋ) تۋرالى كۋالىكتىڭ* نەمەسە انىقتامانىڭ كوشىرمەسى, بيزنەس-سايكەستەندىرۋ ءنومىرى;
ەسكەرتپە: * «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعانىڭ قىزمەتى توقتاتىلعانعا دەيىن جارامدى بولىپ تابىلادى;
6) وتىنىمدە كورسەتىلگەن تاۋارلاردى ءوندىرۋدى ۇيىمداستىرۋ ءۇشىن بىلىكتىلىگى سايكەس مامانداردىڭ بولۋىن راستايتىن قۇجاتتار;
7) وتىنىمدە كورسەتىلگەن تاۋارلاردى ءوندىرۋدى ۇيىمداستىرۋ ءۇشىن قاجەتتى ينفراقۇرىلىمنىڭ بولۋىن راستايتىن قۇجاتتار.
13. ءوتىنىش بەرۋشىگە قاجەتتى سكب قىزمەتىنىڭ تىزبەسىن ءوتىنىمدى رەسىمدەۋ كەزىندە ءوتىنىش بەرۋشى وسى قاعيدالاردىڭ 4-تارماعىندا كورسەتىلگەن قىزمەتتەر قاتارىنان بەلگىلەيدى.
14. ءوتىنىم سكب-عا مەملەكەتتىك نەمەسە ورىس تىلدەرىندە, قاعاز تاسىعىشتا ەكى دانا - تۇپنۇسقا جانە تۇپنۇسقا كوشىرمەسى, سونداي-اق ەلەكتروندى تۇردە ۇسىنىلادى.
ءوتىنىمنىڭ تۇپنۇسقاسى ءوتىنىش بەرۋشىمەن قول قويىلىپ جانە مورمەن كۋالاندىرىپ, بەتتەرى نومىرلەنىپ, سوڭعى بەتى ءوتىنىش بەرۋىشىمەن كۋالاندىرىلىپ, تىگىلگەن تۇرىندە بىرىڭعاي پاپكاعا جيناقتالادى.
ءوتىنىش بەرۋشى ءوتىنىمنىڭ كوشىرمەسىن تىكپەيدى.
15. قۇجاتتاردىڭ تۇپنۇسقالىعىن, وسى قاعيدالاردىڭ 12-تارماعىنا سايكەس ءوتىنىم قۇرامىندا بەرىلەتىن كوشىرمەلەردى كەيىننەن ءوتىنىش بەرۋشىگە قايتارىلاتىن تۇپنۇسقاسىمەن سالىستىرا وتىرىپ, وتىنىمدەردى جيناۋ جانە تىركەۋ ءۇشىن جاۋاپتى سكب قىزمەتكەرى بەلگىلەيدى.
16. وتىنىمدە جولدار اراسىندا جازبالارعا, وشىرۋلەرگە نەمەسە قوسىپ جازۋعا جول بەرىلەدى.
17. ءوتىنىش بەرۋشى ۇسىنىلعان قۇجاتتاردىڭ, وتىنىمدە قامتىلعان شىعىس دەرەكتەردىڭ, ەسەپتەۋلەردىڭ, نەگىزدەمەلەردىڭ تولىقتىعى مەن دۇرىستىعىن قامتاماسىز ەتەدى. ءوتىنىش بەرۋشىنىڭ تولىق ەمەس نەمەسە دۇرىس ەمەس دەرەكتەردى ۇسىنۋى وتىنىمنەن باس تارتۋ ءۇشىن نەگىز بولىپ تابىلادى.
3 پاراگراف. وتىنىمدەردى جيناۋ جانە الدىن الا ىرىكتەۋ
18. سكب باسشىسى سكب-نىڭ شتاتتىق قىزمەتكەرلەرى قاتارىنان ءوتىنىمدى جيناۋ جانە تىركەۋ ءۇشىن جاۋاپتى قىزمەتكەردى انىقتايدى.
19. ءوتىنىمدى جيناۋ جانە تىركەۋ ءۇشىن جاۋاپتى قىزمەتكەر ولاردىڭ تىركەلۋىن ءتۇسۋى بويىنشا جۇزەگە اسىرادى. ءوتىنىمدى تىركەۋ كۇنى سكب-عا ءوتىنىمنىڭ كەلىپ تۇسكەن كۇنى بولىپ تابىلادى.
20. سكب باسشىسى انىقتايتىن سكب قىزمەتكەرلەرى ءوتىنىمدى تىركەگەن كۇننەن باستاپ ەكى جۇمىس كۇنى ىشىندە ونى قاجەتتى قۇجاتتاردىڭ بولۋى بولىگىندە ءوتىنىمدى وسى قاعيدالاردىڭ 12-14 تارماقتارىنىڭ تالاپتارىنا سايكەستىگى تۇرعىسىنان قاراۋدى قامتاماسىز ەتەدى.
21. ءوتىنىم وسى قاعيدالاردىڭ 12-14 تارماقتارىنىڭ تالاپتارىنا سايكەس بولماعان جاعدايدا, سكب ءوتىنىمدى تىركەۋدەن كەيىن ەكى جۇمىس كۇنىنەن كەشىكتىرمەي ءوتىنىش بەرۋشىگە ەسكەرتۋلەر كورسەتىلگەن حابارلامانى وتىنىمدە ءوتىنىش بەرۋشى كورسەتكەن بايلانىس قۇرالدارىنىڭ ءبىرى بويىنشا جىبەرەدى.
ءوتىنىم ءوتىنىش بەرۋشىگە ەسكەرتۋلەرىن جويۋ جانە سكب-عا قايتا تاپسىرۋ ءۇشىن قايتارىلادى.
22. ءوتىنىمدى قايتا بەرۋ ءۇشىن ءوتىنىش بەرۋشى وسى قاعيدالاردىڭ بارلىق تالاپتارىنا سايكەس انىقتالعان ەسكەرتۋلەردى جويادى.
23. سكب پىسىقتالعان ءوتىنىمدى العان كۇننەن باستاپ ەكى جۇمىس كۇنى ىشىندە ەسكەرتۋلەردىڭ جويىلعاندىعىن تەكسەرەدى.
قايتادان ەسكەرتۋلەر بولماعان جاعدايدا سكب ءوتىنىمدى قايتا ۇسىنعان كۇننەن باستاپ ون جۇمىس كۇنى ىشىندە ءوتىنىش بەرۋشى سۇراتقان سكب قىزمەتىنىڭ قۇنىن ەسەپتەيدى, ودان كەيىن ءتيىستى ەسەپتى ءوتىنىش بەرۋشىگە كەلىسۋ ءۇشىن جىبەرەدى.
4 پاراگراف. سكب قىزمەتىن كورسەتۋ نەمەسە قىزمەت كورسەتۋدەن باس تارتۋ تۋرالى شەشىم قابىلداۋ
24. ءوتىنىش بەرۋشى سۇراتقان سكب قىزمەتىنىڭ قۇنى سكب قىزمەتىنىڭ قۇنىن ەسەپتەۋدى ءوتىنىش بەرۋشىگە ۇسىنعان كۇننەن باستاپ ون جۇمىس كۇنىنەن كەشىكتىرىلمەي ءوتىنىش بەرۋشىمەن كەلىسىلەدى.
25. وسى قاعيدانىڭ3قوسىمشاسىنا سايكەس سكب قىزمەتىنىڭ قۇنىن كەلىسۋ سكب جانە ءوتىنىش بەرۋشى قول قوياتىن سكب قىزمەتىن كورسەتۋدىڭ شارتتىق قۇنى مەن سكب قىزمەتىنىڭ ناتيجەلەرىن پايدالانۋ قۇقىعىن كەلىسۋ حاتتاماسىمەن (بۇدان ءارى - حاتتاما) رەسىمدەلەدى.
26. ەگەر سكب قىزمەتىنىڭ قۇنى حاتتاماعا سايكەس جيىرما مىڭ ەسە كولەمىندەگى ەڭ تومەن ەسەپ كورسەتكىشىنەن اسپاعان جاعدايدا, سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىمدى سكب باسشىسى قابىلدايدى جانە بۇيرىق رەسىمدەلەدى. بۇل رەتتە شەشىم حاتتاماعا قول قويىلعان كۇننەن باستاپ ون جۇمىس كۇنىنەن كەشىكتىرىلمەي قابىلدانادى.
27. سكب قىزمەتىن كورسەتۋ تۋرالى بۇيرىقتا ونى قابىلداۋ نەگىزى (نەگىزدەمە) جانە سكب قىزمەتىن كورسەتۋگە ارنالعان شىعىنداردى قارجىلاندىرۋ كوزدەرى كورسەتىلەدى. بۇيرىققا ءوتىنىم, حاتتاما جانە سكب قىزمەتىن كورسەتۋ تۋرالى شەشىم قابىلداۋ ءۇشىن نەگىز بولاتىن ماتەريالدار قوسا بەرىلەدى.
28. سكب قىزمەتىن كورسەتۋدەن باس تارتۋ تۋرالى بۇيرىقتا باس تارتۋ سەبەپتەرى كورسەتىلەدى.
29. وسى قاعيدالاردىڭ 27, 28-تارماقتارىنا سايكەس قابىلدانعان سكب شەشىمى ول قابىلدانعان كۇننەن باستاپ ءۇش جۇمىس كۇنى ىشىندە ءوتىنىش بەرۋشىگە حابارلانادى.
30. ەگەر سكب قىزمەتىنىڭ قۇنى حاتتاماعا سايكەس جيىرما مىڭ ەسە كولەمىندە ەڭ تومەن ەسەپ كورسەتكىشىنەن اسىپ كەتكەن جاعدايدا, سكب حاتتاماعا قول قويىلعان كۇننەن باستاپ ون جۇمىس كۇنىنەن كەشىكتىرمەي قورىتىندى دايىندايدى.
31. قورىتىندىدا جوبانىڭ سايكەستىگىن باعالاۋ بويىنشا كەلەسىدەي ىرىكتەۋ ولشەمدەرىن قامتيدى:
1) وسى قاعيدالاردىڭ 17-تارماعىنا سايكەس وتىنىمدە كورسەتىلگەن قۇجاتتاردىڭ, باستاپقى دەرەكتەردىڭ, ەسەپتەۋلەردىڭ, نەگىزدەمەلەردىڭ تولىقتىعى مەن سەنىمدىلىگى;
2) وسى قاعيدالاردىڭ 25-تارماعىنا سايكەس سكب قىزمەتى قۇنىمەن ءوتىنىش بەرۋشىنىڭ كەلىسۋى, سكب قىزمەتىن كورسەتۋدىڭ كەلىسىلگەن قۇنىن حاتتامامەن رەسىمدەۋ جانە سكب قىزمەت ناتيجەلەرىن پايدالانۋ قۇقىعى;
3) وسى قاعيدالاردىڭ 42-تارماعىنىڭ 2) تارماقشاسىنا سايكەس قىزمەتتەر ناتيجەلەرى شارتقا سايكەس سكب-دان الۋشىعا بەرىلگەن كۇننەن باستاپ بەس جىلدان ارتىق ەمەس مەرزىمدە قىزمەت كورسەتۋ پروتسەسىندە سكب-نىڭ كەلتىرىلگەن شىعىستارىنىڭ وتەلۋى;
4) ونىمدەردىڭ سۇرانىسقا يە بولۋى.
سونىمەن قاتار, قورىتىندى ۇسىنىمداردىڭ نەگىزدەمەسىمەن قوسا بەرىلە وتىرىپ, ءوتىنىش بەرۋشىگە سكب قىزمەتىن كورسەتۋ نەمەسە ودان باس تارتۋ تۋرالى ۇسىنىمداردى قامتۋى ءتيىس.
32. قورىتىندى وعان سكب باسشىسى قول قويعان كۇننەن باستاپ ەكى جۇمىس كۇنى ىشىندە سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلداۋ ءۇشىن اگەنتتىككە جىبەرىلەدى. قورىتىندىعا ءوتىنىم كوشىرمەسى مەن حاتتاما قوسا بەرىلەدى.
ءوتىنىم تۇپنۇسقاسى سكب-دا ساقتالادى.
33. اگەنتتىك وسى قاعيدالاردىڭ 31-تارماعىندا كورسەتىلگەن قۇجاتتاردى العان كۇننەن باستاپ جيىرما جۇمىس كۇنى ىشىندە ولاردى سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلداۋ ماقساتىندا قاراستىرادى. قاجەت بولعان جاعدايدا, جوبالاردىڭ كۇردەلىلىگى مەن قۇنىنا بايلانىستى اگەنتتىك ءوتىنىش بەرۋشى ۇسىنعان جوبا سالاسىندا بىلىكتىلىگى بار تاۋەلسىز ساراپشىلاردى تارتادى.
34. ءوتىنىمدى جانە وعان قوسا بەرىلگەن ماتەريالداردى قاراستىرۋ ناتيجەسى بويىنشا اگەنتتىك سكب قىزمەتىن كورسەتۋ تۋرالى نەمەسە قىزمەت كورسەتۋدەن باس تارتۋ تۋرالى شەشىم قابىلدايدى, ول قابىلدانعان كۇنىنەن باستاپ ءۇش جۇمىس كۇنى ىشىندە سكب-عا جانە ءوتىنىش بەرۋشىگە نەگىزدەمە كورسەتىلىپ حابارلانادى.
5 پاراگراف. سكب قىزمەتتەردى كورسەتۋگە ارنالعان شارتتار جاساسۋ
35. وسى قاعيدالاردىڭ 34-تارماعىنا سايكەس سكب مەن وتىنىمدەرى بويىنشا سكب قىزمەتىن كورسەتۋ تۋرالى شەشىم قابىلدانعان ءوتىنىش بەرۋشىلەر اراسىندا قىزمەتتەردى كورسەتۋگە ارنالعان شارت قازاقستان رەسپۋبليكاسىنىڭ ازاماتتىق زاڭناماسىندا ايقىندالعان تارتىپپەن جاسالادى.
36. سكب مەن ءوتىنىش بەرۋشى اراسىنداعى شارتتىڭ اجىراماس بولىگى مىنالار بولىپ تابىلادى:
1) ءوتىنىش بەرۋشىگە كورسەتىلەتىن سكب قىزمەتىنىڭ تىزبەسى مەن كولەمىن قامتيتىن تەحنيكالىق تاپسىرما;
2) ءاربىر كەزەڭ قۇنىن جانە قول جەتكىزۋگە جوسپارلانعان ناتيجەنى كورسەتە وتىرىپ, ونى ىسكە اسىرۋ پروتسەسىنىڭ كەزەڭ-كەزەڭمەن سيپاتتاماسىن قامتيتىن جوبانى ىسكە اسىرۋدىڭ كۇنتىزبەلىك جوسپارى;
3) سكب قىزمەتىن كورسەتۋدىڭ شارتتىق قۇنىنا جانە سكب قىزمەتىنىڭ ناتيجەلەرىن پايدالانۋ قۇقىعىنا كەلىسۋ حاتتاماسى.
37. سكب قىزمەتىن كورسەتۋدى باستاۋ كۇنى سكب مەن الۋشى اراسىندا شارت جاساۋ كۇنى بولىپ سانالادى.
6 پاراگراف. قىزمەتتەردى كورسەتۋ شەڭبەرىندە سكب-نى قارجىلاندىرۋ
38. ءوتىنىش بەرۋشىلەرگە سكب قىزمەتىن كورسەتۋمەن بايلانىستى سكب-نىڭ كۇردەلى جانە اعىمداعى شىعىندارىن قارجىلاندىرۋدىڭ كوزدەرى مىنالار بولىپ تابىلادى:
1) سكب-نىڭ جارعىلىق كاپيتالىنىڭ قاراجاتى;
2) يندۋستريالىق-يننوۆاتسيالىق قىزمەتتى مەملەكەتتىك قولداۋ جونىندەگى ءىس-شارالاردى ىسكە اسىرۋعا ارنالعان بيۋدجەتتىك باعدارلامالار شەڭبەرىندە رەسپۋبليكالىق بيۋدجەتتەن بولىنەتىن قاراجات;
3) شارتتىق مىندەتتەمەلەر شەڭبەرىندەگى ءوتىنىش بەرۋشىنىڭ جەكە قاراجاتى;
4) سكب مەن الۋشى اراسىنداعى شارتقا سايكەس سكب قىزمەتىنىڭ ناتيجەلەرىن پايدالانۋ قۇقىعى ءۇشىن تولەم رەتىندە الۋشى تولەيتىن رويالتي.
39. سكب-نىڭ تاريفتىك ساياساتى قىزمەت كورسەتۋدىڭ وزىندىك قۇنى مەن سكب-نىڭ جۇمىس ىستەۋىن قامتاماسىز ەتەتىن پايدالىلىق مولشەرىن ەسكەرە وتىرىپ قالىپتاستىرىلادى.
40. سكب-نىڭ قاراجاتىنان جاسالعان سكب قىزمەتىنە ارنالعان شىعىنداردى وتەۋ الۋشىنىڭ رويالتي تولەۋى ارقىلى جاسالادى.
41. الۋشى سكب قىزمەتىنىڭ ناتيجەلەرىن پايدالانۋ ءۇشىن رويالتي مولشەرى, ونى تولەۋ مەرزىمدەرى مەن ءتارتىبى حاتتاما نەگىزىندە سكب مەن ءوتىنىش بەرۋشى اراسىندا جاسالعان سكب قىزمەتىن كورسەتۋگە ارنالعان شارتتا ايقىندالادى.
42. رويالتي مولشەرىن ايقىنداۋ كەزىندە مىناداي شەكتەۋلەر قولدانىلادى:
1) رويالتي مولشەرى - سكب قىزمەتىنىڭ ناتيجەلەرىن پايدالانا وتىرىپ, الۋشى وندىرەتىن ءونىمنىڭ بىرلىگىن ىسكە اسىرۋ باعاسىنان ءبىر پايىزدان كەم ەمەس;
2) سكب قىزمەتىن كورسەتۋ پروتسەسىندە سكب تارتقان شىعىنداردى قايتارۋ مەرزىمى - شارتقا سايكەس الۋشى سكب-دان قىزمەت ناتيجەلەرىن بەرۋ كۇنىنەن باستاپ بەس جىلدان اسپايدى;
3) ءرويالتيدى تولەۋدىڭ جالپى مەرزىمى - سكب مەن الۋشى اراسىندا جاسالعان شارتتىڭ قولدانىلۋ مەرزىمى اياقتالعانعا دەيىن, بىراق سكب قىزمەتىن كورسەتۋ پروتسەسىندە سكب تارتقان شىعىنداردى قايتارۋ كەزەڭىنەن ءبىر جىلدان كەم ەمەس.
43. سكب مەن الۋشى اراسىندا جاسالعان شارتتىڭ قولدانىلۋ مەرزىمى اياقتالعاننان كەيىن الۋشى شارتتا كوزدەلگەن رويالتي كولەمىن تولەۋ شارتتارىندا, سكب قىزمەتىنىڭ ناتيجەلەرىن يەلەنۋ قۇقىعى شارتتىڭ جاعدايلارى بويىنشا الۋشىعا بەرىلەدى نەمەسە سكب قالادى.
44. سكب بيۋدجەتتىك باعدارلاما شەڭبەرىندە قىزمەت كورسەتكەن جاعدايدا, قابىلداۋ-تابىستاۋ اكتىنىڭ راسىمدەۋ كۇننەن باستاپ قىزمەت ناتيجەلەرىن يەلەنۋ قۇقىعى الۋشىعا بەرىلەدى.
45. الۋشى سكب مەن الۋشى اراسىندا جاسالعان شارتتىڭ قولدانىلۋ مەرزىمى اياقتالعانعا دەيىن - مەرزىمىنەن بۇرىن بەلگىلەنگەن كولەمدەگى رويالتي تولەۋ بويىنشا مىندەتتەمەلەرىن ورىنداۋعا قۇقىلى. بۇل رەتتە سكب قىزمەت ناتيجەلەرىن يەلەنۋ قۇقىعى الۋشىعا بەرىلەدى.
7 پاراگراف. سكب-نىڭ جۇمىس ىستەۋ مونيتورينگى
46. سكب-نىڭ جۇمىس ىستەۋ مونيتورينگىن جۇرگىزۋدىڭ ماقساتى جوسپارلانعان ءىس-شارالار, كۇنتىزبەلىك جوسپار مەن ناتيجەلەرگە سايكەس جوبانى ىسكە اسىرۋدىڭ ناقتى بارىسىن كورسەتۋ بولىپ تابىلادى.
47. اگەنتتىك جىل سايىن, ەسەپتى جىلدان كەيىنگى 1 اقپانعا دەيىنگى مەرزىمدە وتكەن كۇنتىزبەلىك جىل ىشىندەگى قىزمەتتىڭ ءناتيجەلەرى تۋرالى سكب ەسەپتەرىن تىڭداۋدى ۇيىمداستىرادى. ەسەپتەردى تىڭداۋدى وتكىزۋ ءتارتىبىن اگەنتتىك ايقىندايدى.
48. سكب قىزمەتتەرىن كورسەتۋدىڭ اياقتالۋى جوسپارلى نەمەسە مەرزىمىنەن بۇرىن بولادى.
49. سكب قىزمەتىن كورسەتۋدىڭ جوسپارلى اياقتالۋى قىزمەتتەردى كورسەتۋ مەرزىمىنىڭ ءوتۋىن بىلدىرەدى.
50. قىزمەتتەردى كورسەتۋدىڭ مەرزىمىنەن بۇرىن اياقتالۋى مىناداي جاعدايلاردا جۇزەگە اسىرىلادى:
1) ىسكە اسىرۋ ناتيجەلەرىن اعىمداعى باعالاۋ ناتيجەلەرى بويىنشا جوبانى ودان ءارى ىسكە اسىرۋدىڭ ورىندىلىعى تۋرالى شارتتى بۇزۋ تارتىبىندە شەشىم قابىلداۋ;
2) جوسپارلانعان ناتيجەلەرگە مەرزىمىنەن بۇرىن قول جەتكىزۋ جانە جوبانى ودان ءارى ىسكە اسىرۋدىڭ ورىندىلىعىنىڭ بولماۋىن تيەسىلى قابىلداۋ اكتىلەرىنە قول قويىلعان جاعدايدا;
3) سكب تاراپىنان تارتقان شىعىنداردى وتەۋ شارتتارىندا ءوتىنىش بەرۋىشىنىڭ جوبانى ودان ءارى ىسكە اسىرۋدان باس تارتۋدىڭ شارتتى بۇزۋ تارتىبىندە.
8 پاراگراف. سكب جۇمىس ىستەۋ تيىمدىلىگىن باعالاۋ
51. سكب جوبالارىن ىسكە اسىرۋ شەڭبەرىندە سكب-نىڭ جۇمىس ىستەۋ ناتيجەلەرىن باعالاۋدىڭ ەكى ءتۇرى قولدانىلادى:
1) اعىمدىق باعالاۋ - توقسان سايىن, ءاربىر ىسكە اسىرىلاتىن جوبالاردىڭ ءبىرىن ىسكە اسىرۋ بارىسى تۋرالى توقسان سايىنعى سكب ەسەپتەر نەگىزىندە;
2) قورىتىندى باعالاۋ - الۋشىعا سكب قىزمەتىن كورسەتۋ اياقتالعان سوڭ.
52. اعىمداعى باعالاۋ ىسكە اسىرىلعان ءىس-شارالاردىڭ تيىمدىلىگىن ايقىنداۋ, جوبانىڭ ودان ءارى دامۋى بويىنشا ۇسىنىمدار ازىرلەۋ جانە وتكەن كەزەڭ ىشىندە ناتيجەلىلىگىن باعالاۋ ماقساتىندا جاسالادى.
53. قورىتىندى باعالاۋ ناقتى الۋشىنىڭ جوباسى بويىنشا سكب قىزمەتىن كورسەتۋ اياقتالعان سوڭ جۇرگىزىلەدى.
54. سكب جۇمىس ىستەۋ ناتيجەلەرىن اعىمداعى جانە قورىتىندى باعالاۋدى اگەنتتىك جۇزەگە اسىرادى.
55. سكب-نىڭ جۇمىس ىستەۋ تيىمدىلىگىن باعالاۋ ناتيجەلىلىكتىڭ نەگىزگى كورسەتكىشتەرىنىڭ جۇيەسىنە (Key Performance Indicators - KPI) سايكەس جۇرگىزىلەدى. قورىتىندى باعالاۋ ناتيجەلەرى بويىنشا تانىلعان جوبالاردىڭ ىسكە اسىرىلاتىن جوبالاردىڭ جالپى سانىنا قاتىناسى سكب-نىڭ جۇمىس ىستەۋ تيىمدىلىگىن باعالاۋ ءۇشىن نەگىز بولادى.
سالالىق كونسترۋكتورلىق بيۋرولاردىڭ جۇمىس ىستەۋ قاعيدالارىنا 1-قوسىمشا
نىسان
تىركەلۋ كۇنى ءوتىنىمنىڭ ءنومىرى;
20 ____ جىلعى «____» _________ (سكب-عا بەرىلەدى)
سالالىق كونسترۋكتورلىق بيۋرولاردىڭ قىزمەت كورسەتۋىنە ارنالعان ءوتىنىش
_______________________________________________________________________________________________
_______________________________________________________________________________________________
_______________________________________________________________________________________________
(زاڭدى تۇلعانىڭ جانە (نەمەسە) جەكە تۇلعانىڭ اتاۋى)
وسى ءوتىنىشتى قاجەتتى قۇجاتتار جيناعىمەن سالالىق كونسترۋكتورلىق بيۋرولاردىڭ قىزمەت كورسەتۋ ماقساتىندا قاراۋ تۇرعىسىنان جىبەرەدى:
جوبانىڭ اتاۋى:
_______________________________________________________________________________________________
_______________________________________________________________________________________________
جوبانىڭ تولىق قۇنى, تەڭگەمەن (تسيفرمەن جانە جازۋمەن):
تاپسىرىلعان اقپاراتتىڭ دۇرىستىعىنا كەپىلدىك بەرەمىز.
سالالىق كونسترۋكتورلىق بيۋرولاردىڭ جۇمىس ىستەۋ قاعيدالارمەن تانىستىق جانە كەلىستىك.
قاعيدالارعا سايكەس تالاپ ەتىلگەن قۇجاتتار __________ پاراقتا قوسا بەرىلەدى.
_______________________________________________________________________________________________
_______________________________________________________________________________________________
ء(وتىنىش بەرۋشى اتىنان قۇجاتتارعا قول قويۋ وكىلەتتىلىگى بار تۇلعانىڭ لاۋازىمى)
____________________________________________________________________
(تەگى, اتى, اكەسىنىڭ اتى (بار بولعان جاعدايدا), قولى)
ءوتىنىش بەرۋشىنىڭ ساۋالناماسى
(زاڭدى تۇلعاعا ارنالعان)
______________________________________________________________________________________________
ۇيىمنىڭ تولىق اتاۋى
زاڭدى مارتەبەسى جانە مەنشىك ءتۇرى:
______________________________________________________________________________________________
جەتەكشىلىك ەتەتىن ۆەدومستۆو, ۇيىم, جوعارعى وقۋ ورنى, عىلىمي-زەرتتەۋ ينستيتۋتى نەمەسە حولدينگ:
______________________________________________________________________________________________
قۇرىلعان كۇنى:
______________________________________________________________________________________________
مەكەنجايى:_____________________________________________________________________________________
يندەكس, وبلىس, اۋدان, ەلدى مەكەن, ءۇي (پاتەر, كەڭسە), كوشە
تەل.: ___________فاكس: ________ E-mail:
__________________________ Web-site: ____________________________
بانكتىك دەرەكتەمەلەرى, ەسەپتىك شوتى, ۆاليۋتالىق شوتى, بانكتىك جەكە كودى, بيزنەس-سايكەستەندىرۋ ءنومىرى:
______________________________________________________________________________________________
الىنعان جانە وتەلمەگەن تەڭگەلىك جانە ۆاليۋتالىق كرەديتتەر:
______________________________________________________________________________________________
قىزمەت ءتۇرى:
______________________________________________________________________________________________
سالا, كىشى سالا:
______________________________________________________________________________________________
ءبىرىنشى باسشى (تەگى, اتى, اكەسىنىڭ اتى (بار بولعان جاعدايدا), تۋعان جىلى, لاۋازىمى, ءبىلىمى, جۇمىس تاجىريبەسى):
______________________________________________________________________________________________
باس بۋحگالتەر (تەگى, اتى, اكەسىنىڭ اتى (بار بولعان جاعدايدا), تەلەفونى):
______________________________________________________________________________________________
بايلانىسۋشى تۇلعا (تەگى, اتى, اكەسىنىڭ اتى (بار بولعان جاعدايدا), لاۋازىنى تەلەفونى, ۇيالى تەلەفونى, e-mail):
______________________________________________________________________________________________
ۇيىم باسشىسىنىڭ قولى
______________________________________________________________________________________________
ءوتىنىش بەرۋ زاڭدى تۇلعالار ءۇشىن ءوتىنىش زاڭدى تۇلعانىڭ فيرمالىق بلانكىسىندە رەسىمدەلىپ, زاڭدى تۇلعانىڭ مورىمەن بەكىتىلەدى
ەلەكتروندى تاسىعىش رەداكتسيالانبايتىن (pdf, باسقا جالپى تارالعان فورماتتار) جانە رەداكتسيالاناتىن (Microsoft Word) فورماتتارداعى فايلداردى قامتۋى ءتيىس.
ءوتىنىش بەرۋشىنىڭ ساۋالناماسى
(جەكە تۇلعاعا ارنالعان)
______________________________________________________________________________________________
تەگى, اتى, اكەسىنىڭ اتى (بار بولعان جاعدايدا), جسن, جەكە كاسىپكەر مارتەبەسىنىڭ بار بولۋى, تۋعان جىلى, ____________________________________________________________________, لاۋازىمى, ءبىلىمى, جۇمىس تاجىريبەسى _____________________________________________________________________________________________________
مەكەنجايى: ____________________________________________________________________________________
يندەكس, وبلىس, اۋدان, ەلدى مەكەن, ءۇي, كوشە (پاتەر, كەڭسە)
تەل.: __________فاكس: ________ E-mail:__________ Web-site: __________
بانكتىك دەرەكتەمەلەرى:
______________________________________________________________________________________________
الىنعان جانە وتەلمەگەن تەڭگەلىك جانە ۆاليۋتالىق كرەديتتەر:
______________________________________________________________________________________________
قىزمەت ءتۇرى:
______________________________________________________________________________________________
سالا, كىشى سالا:
______________________________________________________________________________________________
بايلانىسۋشى تۇلعا:
______________________________________________________________________________________________
(تەگى, اتى, اكەسىنىڭ اتى (بار بولعان جاعدايدا), لاۋازىمى, تەلەفونى, ۇيالى تەلەفونى, e-mail):
______________________________________________________________________________________________
قولى
______________________________________________________________________________________________
ەلەكتروندى تاسىعىش رەداكتسيالانبايتىن (pdf, باسقا جالپى تارالعان فورماتتار) جانە رەداكتسيالاناتىن (Microsoft Word) فورماتتارداعى فايلداردى قامتۋى ءتيىس.
سالالىق كونسترۋكتورلىق بيۋرولاردىڭ جۇمىس ىستەۋ قاعيدالارىنا 2-قوسىمشا
نىسان
بيزنەس-جوسپار*
1. ءوتىنىش بەرۋشىنىڭ قىسقاشا سيپاتتاماسى.
2. مالىمدەلەتىن ءونىم سيپاتتاماسى.
3. ماركەتينگتىك تالداۋ.
4. الەۋەتتى تۇتىنۋشى, جەتكىزۋ تۋرالى الدىن الا ۋاعدالاستىقتار.
5. وندىرىستىك جوسپار.
6. تالاپ ەتىلەتىن سكب قىزمەتتەرىنىڭ سيپاتتاماسى, ولاردىڭ ناتيجەلەرى.
7. جوبانى باسقارۋدىڭ ينستيتۋتسيونالدىق قۇرىلىمى.
8. قارجى جوسپارى.
9. تاۋەكەلدەردى باعالاۋ.
قوسىمشالار.
______________________________________________________________
*قۇرىلىمدا كەلتىرىلگەندەر سايكەس رەسىمدەلەدى, بولىمدەردىڭ مازمۇنى جوباعا قولدانىلۋىن ەسكەرە وتىرىپ سايكەس كەلتىرىلەدى
سالالىق كونسترۋكتورلىق بيۋرولاردىڭ جۇمىس ىستەۋ قاعيدالارىنا 3-قوسىمشا
نىسان
20 __ جىلعى «__» ____________№ ____ سكب قىزمەتتىڭ شارتتىق قۇنىن جانە
قىزمەت ناتيجەلەرىن پايدالانۋعا قۇقىعىن كەلىسۋ حاتتاماسى
ءبىز, الۋشى اتىنان - الۋشىنىڭ تولىق اتاۋى, قول قويۋشىنىڭ تەگى, اتى, اكەسىنىڭ اتى (بار بولعان جاعدايدا), الۋشى اتىنان قولدانۋ ءۇشىن نەگىزدەمە
جانە سكب اتىنان - سكب-نىڭ تولىق اتاۋى, قول قويۋشىنىڭ (تەگى, اتى, اكەسىنىڭ اتى (بار بولعان جاعدايدا), سكب اتىنان قولدانۋ ءۇشىن نەگىزدەمە قول قويۋشىلار, تاراپتار ___________________________________________________ تەڭگە سوماسىندا (تسيفرلارمەن, جازباشا)
20 __ جىلعى «__» _______ №___ شارت بويىنشا قىزمەت قۇنىنىڭ شاماسى تۋرالى كەلىسىمگە قول جەتكىزگەنىمىزدى كۋالاندىرامىز, ونىڭ ىشىندە:
1) ءوندىرىستى ۇيىمداستىرۋ ءۇشىن تاۋاردىڭ اتاۋى كورسەتىلسىن ونىڭ نەگىزىندە _____________________________تەڭگە سوماداعى قولدانۋ قۇقىعىن بەرگەنى ءۇشىن تەحنيكالىق قۇجاتتىڭ اتاۋى كورسەتىلسىن;
2) قىزمەتتىڭ باسقا ناتيجەلەرىن قولدانۋ قۇقىعىن بەرگەنى ءۇشىن ____________________________تەڭگە سوماداعى قىزمەتتىڭ اتاۋى كورسەتىلسىن;
(تسيفرلارمەن, جازباشا)
3) كورسەتىلسىن باسقا ىلەسپە قىزمەتتەردى كورسەتكەنى ۇشىن__________________________تەڭگە سوماداعى قىزمەتتىڭ اتاۋى كورسەتىلسىن.
(تسيفرلارمەن, جازباشا)
وسى شارت بويىنشا رويالتي شاماسى پايىزدا, تسيفرلارمەن جانە جازباشا كورسەتىلسىن قۇرايدى, رويالتي تولەۋ كەزىندە: تسيفرلارمەن جانە جازباشا, رويالتي تولەۋدى باستاۋ جانە اياقتاۋ كۇنى كورسەتىلسىن.
وسى حاتتاما وندا قامتىلعان ماسەلەلەر بويىنشا تاراپتاردىڭ ءوزارا ۋاعدالاستىعىن كورسەتەدى جانە الۋشى مەن سكب اراسىندا ءوزارا ەسەپتەمەلەر جانە تولەمدەر جۇرگىزۋ ءۇشىن نەگىز بولىپ تابىلادى.
سكب-نىڭ اتىنان: ________________ __________ (قولى) تەگى, اتى, اكەسىنىڭ اتى (بار بولعان جاعدايدا) م.و. الۋشىنىڭ اتىنان: ________________ __________ (قولى) تەگى, اتى, اكەسىنىڭ اتى (بار بولعان جاعدايدا) م.و.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 3 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11556 بولىپ ەنگىزىلدى.